Казан Кремлендә – “Мәңгелек кешеләр”

33 колоннада ватандашларыбыз портретлары төшерелгән. Шулай ук шигырьләре, иҗатны хәрби хезмәткә алыштырганны чагылдырган документ, рәсемнәр дә урын алган. Әлеге истәлекле кәгазьләрне, фотоларны күбесен язучыларның балалары, оныклары, туганнары алып килгән. Күргәзмәдә Гадел Кутуй, Нур Баян, Сибгат Хәким, Габдрахман Әпсәләмов кебек танылган шәхесләребезне күрергә мөмкин. Күргәзмә берничә ай дәвам итәчәк, аннары аны республиканың башка шәһәрләренә күчерергә ниятлиләр. Ә әлеге "Мәңгелек кешеләр" турында китап әзерләнәчәк.