Казан метросын саклану корылмасы итеп кулланырга планлаштыралар

Республикада саклану һәм башка төр җир асты корылмаларын тикшерү, тәртиптә тоту бурычы куелды.

Хәрби хәрәкәтләр куркынычы янаган очракта Казан метрополитенын  саклану корылмасы итеп кулланырга планлаштыралар. Бу хакта йомгаклау коллегиясендә РФ Гадәттән тыш хәлләр министрлыгының Татарстан буенча Баш идарәсе башлыгы Рафис Хәбибуллин хәбәр итте. 

Ведомство башлыгы сөйләгәнчә, республикада саклану корылмаларын һәм җир астында яшеренү урыннарын тикшерәчәкләр. Хәзерге вакытта саклану корылмаларының 30 проценттан артыгы халыкны кабул итәргә әзер түгел.