Казанда узачак дзюдо буенча Европа чемпионатына билетлар мартта сатуга чыга

"Әлеге чемпионат 2016 елгы Рио-де-Жанейрода узачак Олимпия уеннарына сайлап алу этабы да булачак, бу ярышның дәрәҗәсен күтәрә, - диде Ильдар Халиков.

Тарастанның премьер министры Россия җыелма командасында Татарстан вәкиле - күп кенә турнирлада җиңүче 20 яшьлек Нияз Билалов та булуын билгеләп үтте.

Ярышларда 40 илдән 400дән артык спортчы катнашачак. Барлыгы 16 комплект бүләк уйнатыла. Чара «Татнефть-Арена» боз сараенда үтә һәм анда 300ләп волонтёр хезмәт күрсәтә. Чемпионатка билетлар март аенда сатуга чыга, бәяләре 150 сумнан 300 сумга кадәр.