#Кыскача яңалыклар 03 февраль 2021, 14:49

Казанда кан тапшыру акциясе узачак

03 февраль 2021, 14:49

4-5 февральдә Казанда Республика кан үзәгендә хәйрия донор акциясе узачак. Анда барлык теләүчеләр дә катнаша һәм онкология авырулары булган кешеләргә ярдәм итә ала.

Скопировать ссылку

Паллиатив пациентлар өчен канны 7.30 сәгатьтән 13.00 сәгатькә кадәр Җиңү проспекты, 85 адресы буенча тапшырырга мөмкин, дип хәбәр итә оештыручылар. Бу хакта Казан мэриясе яза.

Паллиатив пациентлар өчен кан җыю буенча «Андрей» донор акциясе 2018 елдан бирле, «Мы вместе - Без бергә» автоном коммерциягә карамаган оешмасы белән берлектә, ел саен уздырыла. Узган ел анда 300-гә якын кеше катнашты, бу 135 литр кан компонентларын җыярга мөмкинлек бирде. Проектның инициаторы Казанда яшәүче Алла Протас, аның ире Андрей паллиатив пациентларның берсе булган.

Исегезгә төшерәбез, донациягә кадәр 72 сәгать кала аспирин һәм анальгетика булган дарулар кабул итергә һәм процедурага кадәр 48 сәгать кала исерткеч эчемлекләр кулланырга ярамый . Төнге сменада эшләгәннән соң кан бирергә киңәш ителми, чөнки организмга кан тапшырыр алдыннан 8 сәгатьлек ял таләп ителә. Донор булу өчен йогышлы, паразитар, йөрәк-кан тамырлары һәм башка авырулар булмау кирәк.

Кызыклы яңалыкларны күзәтеп бару өчен безнең МАХ каналына кушылыгыз.

#кан тапшыру