#Кыскача яңалыклар 13 февраль 2016, 07:52

Казанда «Сәмрух» премиясе тапшырыла

13 февраль 2016, 07:52

Казанда «Сәмрух» премиясе тапшырыла 19 февраль көнне 17.00дә «Ак Барс» яшьләр үзәгендә "Сәмрух" премиясен тапшыру тантанасы уза. Аңа "Сәләт" яшьләр оешмасының иң талантлы балалары, партнерлары һәм проектларны оештыручылар ия булачак.

Скопировать ссылку

2015 елда "Сәләт" хәрәкәте тарафыннан 50дән артык проект гамәлгә ашырылган. Бүген әлеге оешма - Татарстандагы 12 меңнән артык бала һәм яшүсмернең интеллектуаль иҗатын үстерүгә юнәлтелгән система. 20 ел эчендә "Сәләт" 80 меңләп талантлы баланы, яшьләрне һәм педагогларны берләштергән.

Хәрәкәт активистлары өчен Премиянең мондый номинацияләре каралган: «Ел проекты», «Ел әйдаманы», «Ел башҗитәге», «Ел сәлкеше», «Ел аланы», оешма партнерлары өчен - «Ел остазы», «Ел партнеры». «Сәләт» үзенең мохите белән аерылып тора, шул уңайдан «Сәләт җырлый» номинациясе дә кертелгән.

Сайлап алу этаплары биш ай - октябрьдән башлап февральгә кадәр барган, шулай ук selet.biz сайтында иң яхшы җыр өчен тавыш бирү оештырылган. Премиядә катнашу өчен йөзгә якын гариза бирелгән.

Бүләкләү тантанасында лауреатларны җиңүләре белән котлап, статуэткаларны Татарстанның хакимият вәкилләре, спорт һәм иҗат әһелләре тапшырачак, аларның күбесе премиянең жюри әгъзалары.

Кызыклы яңалыкларны күзәтеп бару өчен безнең МАХ каналына кушылыгыз.