Казанда Советлар Союзы Герое Сабир Әхтәмовка мемориаль такта ачылды

Әлеге мемориал такта ачу идеясе белән Татарстан буенча Эчке эшләр министрлыгының Ветераннар советы чыккан.Аны урнаштыруда Совет районы хакимияте дә зур өлешен керткән. Мемориал такта ачылу тантанасында катнашкан Татарстан буенча Эчке эшләр министры урынбасары, полиция генерал-майоры Дамир Динниулов:
- Сабир Әхтәмов гомерен халыкка хезмәт итүгә багышлады. Истәлек тактасы еллар аша Ватанга, бурычка, законга тугрылык алып килгән әлеге ару-талуны белмәгән кешегә рәхмәтебезне чагылдырыр, - диде. Советлар Союзы Героеның кызы да бу игелекле эшләре өчен җитәкчеләргә рәхмәтен белдерде. Шулай ук 178нче мәктәптә Сабир Әхтәмов музее да ачылды.Ул яшәгән Космонавтлар урамындагы йортка "Сугыш елларында безнең район" стенды да куелган. Кызганыч, Сабир ага былтыр арабыздан мәңгелеккә китеп барды.