#Кыскача яңалыклар 19 апрель 2018, 15:53

Казанда FIFA төп билет сату үзәге ачылды

19 апрель 2018, 15:53

Казанда FIFA төп билет сату үзәге үз эшен башлап җибәрде. Ул Кремль яр буе урамындагы 5нче йортта урнашкан. Бу хакта Халыкара футбол федерациясе (FIFA) рәсми сайтында хәбәр ителә.

Скопировать ссылку

Биредә апрель ахырына кадәр FIFA сайтында онлайн сатып алынган билетларны алырга була. 1 майдан, билетлар булганда, аларны үзәкнең үзеннән алып булачак.

Билет үзәгенең эш режимы түбәндәгечә: дүшәмбе — җомга көннәрендә 14.00 сәгатьтән 19.00 сәгатькә кадәр, шимбә — якшәмбе көннәрендә 10.30 сәгатьтән 19.00 сәгатькә кадәр эшли. Үзәк әлеге режимда 31 майга кадәр эшләячәк, аннан соң һәр көнне 10.00 сәгатьтән 19.00 сәгатькә кадәр ачык булачак.

Россиядә футбол буенча дөнья чемпионаты 14 июньнән 15 июльгә кадәр узачак. Казан турнирның алты матчын кабул итәчәк: Kazan-Arena стадионында Франция — Австралия, Испания — Иран, Польша — Колумбия һәм Германия — Көньяк Корея төркем этабы матчлары булачак. Татарстан башкаласында шулай ук финалның сигездән бер һәм бер чирек финал матчы узачак.

Татар-информ

Кызыклы яңалыкларны күзәтеп бару өчен Т елеграмга кушылыгыз.