Казанны тикшерәләр

Кичә Казанга шәһәрнең 2019 елда үткәреләчәк WorldSkills Competition дөнья чемпионатына әзерлеген тикшерү максатыннан WSI вәкилләре килде. Алар Россиянең һөнәри осталык буенча халыкара бәйгегә ничек әзерләнүен ачыклаячак.

Бүген кунаклар Лаеш районында "WorldSkills Arena"ның күргәзмә үзәгенә капсула салу тантанасында катнаша. Шулай ук Казан Ратушасында WorldSkills Competition 2019 чемпионатын уздыру буенча кандидат-шәһәр буларак башкаланың гаризасын тәкъдир итү чарасына да катнашырга ниятлиләр.

Казан белән бергә әлеге халыкара бәйгене уздырырга Франция башкаласы - Париж һәм Белгиянең Шарлеруа шәһәрләре дә дәгъва кыла.

Комиссия вәкилләре Татарстанда 26 мартка кадәр булачак.