Кечкенә йолдызлар Кайбычта көч сынаша

Бүген Кайбыч районы мәдәният йортында "Созвездие - Йолдызлык" Республика телевизион яшьләр фестиваленең сайлап алу этабы уза. Монда Югары Ослан, Апас, Кама Тамагы, Тәтеш, Буа, Чүпрәле һәм Кайбыч районнарыннан балалар җыр, бию сәләтендә ярышачаклар. Исегезгә төшерәбез, быел бәйгенең төп таләбе Бөек Ватан сугышына багышланган номер әзерләү. Фестивальнең суперфиналы 18 апрель Уникс концертлар залында һәм 25 апрель Пирамида күңел ачу үзәгендә узачак. Фестиваль турында фоторепортаж һәм язманы газетаның сишәмбе саныннан укый аласыз.