Рияз Минзарипов Казан федераль университеты президенты итеп билгеләнде, диелә РФ мәгариф министры Валерий Фальков имзалаган боерыкта.
КФУның медиапорталы хәбәр иткәнчә, президент югары уку йорты ректоры коллектив алдына куя торган проектларның гамәлгә ашырылуына җавап бирүче ректорның беренче ярдәмчесе вазифасын башкара.
«Университет Россиянең иң яхшы югары уку йорты булсын, халыкара аренада да танылсын өчен тырышып эшләячәкмен», – дип искәртте Минзарипов.
Рияз Минзарипов 1951 елның 25 сентябрендә ТАССРның Әлки районы Түбән Әлморза авылында туган. 1976 елда Казан дәүләт университетының тарих-филология факультетын тәмамлаган. Фәлсәфә фәннәре кандидаты (1985), социология фәннәре докторы (2008), профессор (2008).
1976–1981 елларда – КДУның ВЛКСМ комитеты секретаре урынбасары һәм секретаре;
1981–1984 елларда – КДУ аспиранты;
1985–1987 елларда – КДУның партия комитеты секретаре урынбасары;
1987–1994 елларда - ассистент, доцент;
1994–1999 елларда – уку-укыту бүлеге башлыгы;
2000–2004 елларда – доцент, оештыру комитеты рәисе урынбасары, КДУның 200 еллыгына әзерлек эшләре буенча проректор;
2005–2010 елларда – гомуми мәсьәләләр һәм өзлексез белем бирү буенча проректор;
2010–2015 елларда – белем бирү эшчәнлеге буенча проректор;
2015–2021 елларда – Казан федераль университетының беренче проректоры;
2021–2023 елларда – КФУ ректораты каршында баш киңәшче.
Чыганак - "Татар-информ"
Комментарийлар