#Кыскача яңалыклар 19 гыйнвар 2023, 15:03

Хәрби хезмәткә 21 яшьтән алачаклармы?

19 гыйнвар 2023, 15:03

Бу язда ук хәрби хезмәткә чакыру яшен 18 яшьтән 21гә арттыру мөмкинлеге бик түбән, чөнки моның өчен канун базасы әлегә әзер түгел.

Скопировать ссылку

Дәүләт Думасының Оборона комитеты башлыгы Андрей Картаполов шул хакта хәбәр итте. Ул хәрби хезмәткә чакырылу яшен үзгәртү планнарының киләсе язгы чакырылышка ничек тәэсир итәчәге турындагы сорауга шулай җавап бирде, дип белдерә РИА новости.

«Минем уйлавымча, бу ихтимал бик түбән, асылда нуль. Эш шунда ки, кемнедер чакырганчы, боларның барысын да закон нигезендә рәсмиләштерергә кирәк», - дип белдерә ул.

Искәртеп узабыз, РФ Саклану министры Сергей Шойгу элегрәк хәрби хезмәткә чакырылыш яшен 30 яшькә кадәр арттырырга тәкъдим иткән иде. Дәүләт Думасында бу инде быел ук эшләнергә мөмкин, дип белдерделәр.

Кремльдә Президент Владимир Путинның бу инициативаны хуплавын ассызыкладылар, әмма барлык детальләрне Саклану министрлыгында аныкларга өндәделәр.

Чыганак - "Татар-информ"

Кызыклы яңалыкларны күзәтеп бару өчен безнең МАХ каналына кушылыгыз.