Киләсе елда майда ничек ял итәчәгебез мәгълүм

Киләсе 2024 елда Россия халкы 1 май бәйрәме уңаеннан дүрт  көн рәттән ял итәчәк, дип яза "Известия". 
РФ хезмәт һәм социаль яклау министры Антон Котяков билгеләп үткәнчә, 27 апрель (шимбә) эш көне булачак, ноябрьдәге бәйрәм көннәренең берсе шулай ук майга күчереләчәк. Нәтиҗәдә, 28 апрельдән 1 майга кадәр ял итәчәкбез. 
Моннан тыш, 23 февраль - Ватанны саклаучылар көнендә өч көн, 8 мартта да шуның кадәр үк ял булыр дип көтелә. Ә Яңа ел каникуллары 8 гыйнварга кадәр дәвам итәчәк.