“Күке” әниләр саны кимегән

Россия Сәламәтлек саклау министрлыгы хәбәр иткәнчә, бала тудыру йортларында әниләре калдырган сабыйлар саны 2012 елдан 80 процентка, ә 2022 елдан 24 процентка кимегән. 2024 елда балаларыннан баш тартуның 1-2 очрагы гына теркәлгән төбәкләр дә бар.

-   Әти-әниләре баш тарткан яңа туган балалар өлеше 2023 елда  барлык дөньяга аваз салган сабыйлар санының 0,09 процентын тәшкил итә (0,11 процент — 2021 елда, 0,10 процент — 2022 елда), - дип хәбәр итә министрлыкның матбугат хезмәте.
Россия Сәламәтлек саклау министрлыгы мондый уңай күрсәткечләр профилактика программаларының эшчәнлеге  белән бәйле, дип саный.