#Кыскача яңалыклар 23 гыйнвар 2017, 11:10

Кыскартылачак Сбербанк хезмәткәрләренә Россия Почтасы эш тәкъдим итә

23 гыйнвар 2017, 11:10

Россия Почтасы генераль директоры Дмитрий Страшнов әйтүенчә, Сбербанкның хезмәткәрләрен кыскарту белән бәйле планнары булу сәбәпле, Россия Почтасы эшсез калган хезмәткәрләрне үзләренә алырга әзер, дип хәбәр итә "Татар-информ" ТАСС агентлыгына сылтама белән.

Скопировать ссылку

"Иң беренче чиратта, кыскартылачак Сбербанк хезмәткәрләре эшсез калмаячак, дип ышандырасы килә. Илнең зур финанс институтының җитди мәктәбен узган югары белгечле кадрларга Россия Почтасы һәрвакыт шат", - дип, Сбербанк хезмәткәрләрен кыскарту планнарын Дмитрий Страшнов шәрехләде.

Искә төшерик, Сбербанк башлыгы Герман Греф Давоста узган Бөтендөнья икътисади форумда 2025 елга банк хезмәткәрләре икеләтә кыскартылу мөмкинлеге турында белдерде.