Мөгәллимәләр өчен онлайн укулар

Татарстанда мөгаллимәләр өчен дистанцион рәвештә квалификация күтәрү укулары уздырылачак. Курслар 25 марттан 8 апрельгә кадәр узачак. Әлеге чара Татарстан мөселманнары Диния нәзарәте, Россия ислам институты һәм КФУ белән берлектә оештырылган. Онлайн дәресләр "Ислам нигезләре" һәм "Ислам дине фәннәрен укыту методлары" юнәлешләре буенча узачак. Аның беренчесендә мөгаллимәләрне ислам нигезләре һәм Идел-Урал төбәгендә таралган дини йолалар белән таныштыру күздә тотыла. Юнәлешләрнең икенчесе дини фәннәрне укыту барышында килеп туган проблемаларны өйрәнүгә, белем бирүнең гомумметодик принципларын, дидактик мәсьәләләрнең төрле чишү алымнарын күрсәтүгә юнәлдерелә.Курсларга язылу өчен РИИның Дистанцион уку үзәгенә мөрәҗәгать итәргә кирәк. Укулар турында тулырак мәгълүмат алырга теләүчеләр (843) 238-17-61 телефоны яисә e-riu@mail.ru электрон адресы буенча мөрәҗәгать итә ала.Курслар бушлай үткәрелә.