#Кыскача яңалыклар 19 марта 2020, 15:24

Мөселман яшьләренең көрәш турниры уздырылмый

19 марта 2020, 15:24

Бил алышлар 11 апрельдә Чаллыда узарга тиеш иде.

Скопировать ссылку

Бил алышлар 11 апрельдә Чаллыда узарга тиеш иде.

Чаллыда мөселман яшьләренең Татарстан мөселманнары Диния нәзарәте кубогына татар милли көрәше һәм армрестлинг буенча 11 апрельгә билгеләнгән Россиякүләм турнир уздырылмый.

“Коронавирус инфекциясе (COVID-19) таралу куркынычы белән бәйле карантин чарасы сәбәпле 25 мартта үткәрелергә тиешле балаларның Коръән уку бәйгесе һәм 11 апрелгә билгеләнгән татарча көрәш һәм күл көрәше буенча турнир уздырылмаячак”, – дип җиткерелә Чаллы шәһәре мөхтәсибәтенең социаль челтәрдәге рәсми битендә.

Исегезгә төшерәбез, мөселман яшьләре арасында уздырыла торган турнирда үз төркемнәрендә җиңүчеләр арасында җирәбә уздырыла һәм анда отучы турнирның иң олы бүләге – хаҗга юллама белән бүләкләнә иде.

Кызыклы яңалыкларны күзәтеп бару өчен Телеграм-каналга кушылыгыз.