Мәскәүдәге көчле янгын 8 янгын сүндерүченең гомерен өзгән

"Алардан хәбәр булмаса да, азакка кадәр яхшыга өметләндек, - дип җиткергән РФ Гадәттән тыш хәлләр министрлыгы матбугат хезмәте. - Көчле янгын, югары температура, төтен аркасында алар бинадан чыга алмаган".

Үлүче хезмәткәрләр түбәдә эшләгән - янгын аркасында шартлау куркыныч булган газ балоннары һәм компрессорларны суыту өчен махсус җайланма урнаштырганнар. Ә аңа кадәр алар, янгын булган урынга беренчеләрдән булып килеп, складтан 100ләп эшчене чыгарырга өлгергән.

Янгын кичә кич чыга. Ләкин аны иртән генә сүндерә алалар. Янгын чыгуның төрле фаразлары тикшерелә.

^{"Интертат"}