Музейда милли дефиле

Бүген "Казан Кремле" музей-тыюлыгының "Манеж" күргәзмәләр залында "Нәүрүз бизәкләре" мода үрнәкләре тәкъдим ителә. Чара Халыкара хатын-кызлар көне уңаеннан оештырылган "Назлы кулларның могҗизалы эшләре" күргәзмә кысаларында уздырыла. Анда Татарстан һәм чит ил дизайнерларының модалы киемнәрен күрергә мөмкин. Шулай ук "Сөембикә" журналы тәкъдим иткән хатын-кыз авторларның да эшләре урнаштырылачак. Биредә бала киемнәреннән башлап, гүзәл затларыбыз өчен тегелгән калфаклар, сумкалар, төрле бизәнү әйберләре, зәркән эшләнмәләре, курчаклар, сәгатьләр, үзенчәлекле шәмаилләргә кадәр бар. Чара 16.00 сәгатьтә башлана, билет бәясе 500 сум.