МХОда хәбәрсез югалган сугышчыны суд аша һәлак булган дип таныганнар

Нурлат район суды МХОда хәбәрсез югалган сугышчы - Иске Иглайкино авылында туган Александр Ивановны һәлак булган дип таныган. Ир-ат 2022 елның җәе ахырында «Барс-19» батальоны белән контракт төзегән. 1 сентябрьдә үк СВОда хезмәт итә башлый, ә 2022 елның 11 сентябрендә хәбәрсез югалганнар исемлегендә була. Сугыш барышында камалыштан чыга алмый, дип яза «Нурлат-информ».
 
Һәлак булган ирнең гаиләсендә ике бала тәрбияләнә. Улы 8 нче сыйныфта укый, кызы күптән түгел балалар бакчасына киткән. «Ватан сакчылары» фондының Нурлат филиалы социаль координаторлары гаиләгә кирәкле документлар пакетын җыярга ярдәм иткән. Ә ялган кайткач, Александрның хезмәттәшен судта шаһит буларак җәлеп иткәннәр.

Фондның социаль координаторы Татьяна Әхмәтҗанова хәбәр иткәнчә, хатынына Александр контракт төзегәнен әйтергә батырчылык итми, вахта ысулы белән эшкә китәм дип әйткән.