#Кыскача яңалыклар 26 июль 2016, 06:18

Нурбәк Батулла Казандагы театрларның берсенә баш балетмейстр итеп билгеләнде

26 июль 2016, 06:18

Шушы көннәрдә Габдулла Кариев исемендәге яшь тамашачылар театры яңа артистка баеды. Бу хакта үзенең социаль челтәр битендә театрның баш режиссеры Ренат Аюпов хәбәр итә.

Скопировать ссылку

Нурбәк Батулла - Казан хореографик училищын тәмамлап, Муса Җәлил исемендәге Татар академия дәүләт опера һәм балет театрының балет труппасында өч сезон хезмәт куйган.

2010 елда Санкт-Петербургка китеп, Римский-Корсаков исемендәге консерваториядә балетмейстрлыкка һәм театраль мәдәният академиясендә театр һәм кино актерына укыган. ТЮЗда Батулла баш балетмейстр-куючы булып хезмәт итәчәк, дип хәбәр итә matbugat.ru театр сайтына сылтама белән.