Осиново бистәсендә газ шартлау вакытында өч кеше зыян күргән

Гадәттән тыш хәлләр министрлыгының матбугат хезмәте хәбәр иткәнчә, әлеге хәл газ баллонын файдалану кагыйдәләрен бозу аркасында килеп чыккан. Гаилә башлыгы урамнан алып кергән 5 литрлы баллонны өйдә җылыта башлаган. Болай эшләү катгый тыела. Әлеге эш бары тик урамда, ачык һавада гына башкарылырга тиеш. Нәтиҗәдә, газ шартлау вакытында тәрәзәләр коелып төшә. Гаилә әгъзалары хастаханәгә озатыла.