Путин Халыкара Олимпия комитеты карары турында үз фикерен җиткерде

— Халыкара түрәләрнең Россия спортына карата кылган эшләре - Пьер де Кубертенның «О, спорт, син дөнья» идеясенең тулы каршылыгы һәм бозылуы. Кешеләрне аерыр өчен түгел, ә берләштерү өчен олимпия хәрәкәте булдырылган иде. Хәзерге халыкара түрәләр спорт хәрәкәтләренең бизнес-ягы белән бик мавыга, алар спонсорларга бик нык бәйле... Әгәр дә алар шулай эш итсәләр, алар олимпия хәрәкәтен җирләячәкләр. Олимпизм идеясе - бүген бик нык газап чигә", - диде ул.

Россия Президенты спортның сәясәттән читтә булуын һәм кешеләрне берләштерергә тиешлеген ассызыклады.

"Барырга яки бармаска... анда нинди шартлар тудырылуын игътибар белән өйрәнергә кирәк... МОК нинди шартлар куя. Әгәр бу сәяси яктан мотивацияле ясалма шартлар безнең лидерларны, алтын, көмеш, бронза медальләргә дәгъва итүче спортчыларга аяк чалуга юнәлдерелгән икән... максат шундый булса... Ул чакта спорт министрлыгы һәм илнең милли олимпия комитеты төпле карар кабул итәргә тиеш", - дип өстәде Путин.

8 декабрьдә Халыкара Олимпия комитеты россиялеләрне һәм белорусларны Олимпиадага нейтраль статуста кертүе билгеле була. Уеннарга үз спорт төрләрендә квалификация үткәннәр эләгәчәк. Шул ук вакытта атлетлар команда ярышларында турнирларга кертелмәячәк. 

Моннан тыш, Россия символикасы рәсми объектларда һәм чараларда теләсә нинди рәвештә тыелачак.