Районнар язгы кыр эшләренә әзерме?

6-15 апрельдә республиканың барлык районнарында язгы кыр эшләре кампаниясенә әзерлек буенча конкурс үткәрелде. Нәтиҗә ясап шуны әйтергә мөмкин, күп хуҗалыкларда чәчкечләр һәм культиваторлар ремонтлау эшләре төгәлләнгән, үзебездә җитештерелгән тракторлар паркы әзер. Актаныш, Әтнә, Балтач, Буа, Чүпрәле, Саба, Азнакай, Теләче, Нурлат, Кайбыч районнары әзерләнү эшләренә җаваплы караган. Быел республиканың агросәнәгать хуҗалыкларына 1,2 млрд сумлык запас частьлар кайтарылган, бу ихтыяҗның 92 процентын тәшкил итә.