Россия ЮХИДИсе рәсми рәвештә Дәүләт автоинспекциясе (ГАИ) итеп үзгәртелә, атамасы кануннар нигезендә җайга салынган, дип белдерде ведомство начальнигы Михаил Черников.
Барлык норматив-хокукый документлар яңа атаманы исәпкә алып башкарыла дип белдерде.
"Без хәзер Дәүләт автоинспекциясе, ЮХИДИ дип аталмаячак, канун нигезендә бу мәсьәләне җайга салдык. Милиция атамасы кире кайтырмы-юкмы, анысын белмим, әмма Дәүләт автоинспекциясе атамасы бар инде", — дигән Черников ТАСС агентлыгына.
ГАИ буларак билгеле Дәүләт автомобиль инспекциясе 1936 елда оештырылган. 1998 елда ул дәүләт юл хәрәкәте иминлеге инспекциясе дип үзгәртелгән.
Комментарийлар