#Кыскача яңалыклар 08 апрель 2020, 14:17

Россиядә кайбер оешмалар дүрт көнлек эш атнасына күчә башлаган

08 апрель 2020, 14:17

Билгеле булганча, элеккеге Премьер-министр Дмитрий Медведев дүрт көнлек эш атнасына күчүне узган ел тәкъдим иткән иде. Әмма оешмаларның барысы да диярлек моны бик кискен кабул итте.

Скопировать ссылку

Россия оешмалары пандемия вакытында чыгымнарны кыскарту максатыннан, дүрт көнлек эш атнасына күчә башлаган.

Беренчеләрдән булып бу системага 23 мең хезмәткәре булган газ һәм нефть эшкәртү компанияләренең берсе күчкән. Хәзерге вакытта бу оешманың Мәскәүдәге корпоратив үзәгендәге хезмәткәрләрнең барысы да һәм административ-идарә персоналы атнага дүрт кенә тапкыр эшкә йөриячәк. Берничә ай эчендә оешманың ¼ өлеше бу система белән эшләүгә күчә.

Екатеринбургта метрополитен хезмәткәрләре дә вакытлыча дүрт көнлек эш атнасына күчерелгән. Шулай ук Россия тимер юллары оешмасы да тулы булмаган сменаларда эшләүгә күчәргә мөмкин булуларын белдергән. Бу, беренче чиратта, хезмәткәрләрне кыскартмау максатыннан эшләнелә, дип аңлатыла оешмада.

Стратегик эшләнмәләр үзәге үткәргән сораштырулар нәтиҗәләре буенча, респондентларның 16 проценты хезмәткәрләрен эштән азат иткән, тагын 31 проценты моны якын арада эшләргә ниятләве ачыкланган. Сораштыру 31 март-2 апрель аралыгында уздырылган һәм анда 1 мең эшмәкәр катнашкан, дип яза “Ведомости”.

Кызыклы яңалыкларны күзәтеп бару өчен безнең МАХ каналына кушылыгыз.