#Кыскача яңалыклар 06 август 2015, 13:48

Рөстәм Миңнеханов «В контакте»да

06 август 2015, 13:48

Татарстан лидеры «В Контакте» социаль челтәренең вәкилләре - маркетинг буенча директор Ярослав Андреев, махсус проектлар буенча менеджер Константин Сидорков белән очрашканнан соң, социаль челтәрдә үз битен булдырган.

Скопировать ссылку

- Бүген социаль челтәрләр татарстанлыларны борчыган актуаль сораулар турында күп мәгълүмат бирергә ярдәм итә. Минем эш графигымны аңларлар дип уйлыйм, шуңа да челтәрдә озак утырып булмый, шулай да мөмкинлек булганда республикага кагылышлы мөһим хәбәрләргә җавап язачакмын, ди Рөстәм Миңнеханов.

Хәзергә Татарстан лидерының «В Контакте»да дуслары әллә ни күп түгел. Алар арасында Чечен республикасы Президенты Рамзан Кадыйров, Чаллы шәһәренең башкарма комитеты җитәкчесе Наил Мәгъдиев бар. Үзенең шәхси битендә Рөстәм Миңнеханов туган көнен 1 мартта дип күрсәткән, шулай ук белеме, гаилә хәле турында мәгълүмат урнаштырган. Буш вакытын гаиләсенә багышларга тырышуын, гольф, хоккей, автоспорт белән кызыксынуын да әйткән.

Кызыклы яңалыкларны күзәтеп бару өчен безнең МАХ каналына кушылыгыз.