#Кыскача яңалыклар 24 июнь 2021, 12:47

Сабый үлеменнән соң җинаять эше кузгатылган

24 июнь 2021, 12:47

24 июнь көнне Казанда бер яшьлек баланың җиденче кат тәрәзәсеннән егылып төшүе турында моңарчы хәбәр иткән идек.

Скопировать ссылку

Әлеге хәл иртәнге биштә Чуйков урамы 27 йортта булган.
Тикшерү комитеты әлеге фаҗига буенча җинаять эше кузгатты, дип хәбәр итте Россия тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий.

Кызчыкны авыр тән җәрәхәтләре белән Республика балалар клиник хастаханәсенә китергәннәр. Беренчел мәгълүматлар буенча, әнисе сәгать дүрттә иртәнге аш әзерләр өчен ашханәгә кергән, әти кеше йоклап калган. Шул вакытта кызчык тәрәзә төбенә менгән, тәрәзәне ачкан һәм москит челтәренә таянган...
«Саксызлык аркасында үлемгә китерү" маддәсе буенча кузгатылган. Килеп чыккан хәлнең барлык шартларын билгеләүгә юнәлдерелгән тикшерү эшләре алып барыла. Җинаять эшен тикшерү дәвам итә.

Кызыклы яңалыкларны күзәтеп бару өчен безнең МАХ каналына кушылыгыз.