Студентлар ришвәткә каршы

26 нчы март көнне Казан ветеринар академиясе студентлары ришвәтчелеккә каршы сәясәт вәкилләре белән аралашты. Әңгәмә укытучыларсыз ирекле формада барды. Шуңа да студентлар үзләрен борчыган әлеге проблема турында иркенләп сөйләшә алдылар. "Сәләтле яшьләр ассоциациясе» хәрәкәте активистлары әзерләгән төрле уен сценарияләре студентларга ришвәт бирүче һәм ришвәт алучы ролендә үзләрен сынап карарга ярдәм итте. Бу исә коррупциядә ике якның да гаебе бар икәнен күрсәтте. Хәрәкәт активистлары студентлары шулай ук коррупция белән бәйле булган төрле законнар белән дә таныштырды.