#Кыскача яңалыклар 22 апреля 2015, 13:12

Сугыш ветераннарына өчпочмаклы хатлар киләчәк

22 апреля 2015, 13:12

Сугыш елларында мондый хатларны тылдагылар, яу кырындагы солдатлар да зур түземсезлек белән көтеп алганнар. Хат - ул чакта төп аралашу чарасы булган. Бөек Җиңүнең 70 еллыгы уңаеннан, Россия Почтасы мәктәп укучылары белән берлектә "Ватандашларыбызга хөрмәт. Кул җылысы" дип аталган акцияне тормышка ашыра.

Скопировать ссылку

Барлык мәктәпләрдә дә сугыш ветераннарына, тыл хезмәтчәннәренә символик рәвештә өчпочмаклы хатлар әзерләнә, укучылар якыннарын, туганнарын, якташларын Бөек Җиңү белән котлый. "Татарстан почтасы" идарәсендә хәбәр итүләренчә, республика лидеры котлавы белән Татарстанда 80 меңнән артык кешегә өчпочмаклы хат юлланачак. Рөстәм Миңнеханов хатыннан тыш, конвертта укучыларның ветераннарга рәхмәт сүзләре язылган открыткалар да киләчәк. Акция 30 апрельгә кадәр дәвам итә. Әлеге өчплочмаклы конвертлар белән ветераннар Россиянең теләсә кайсы шәһәренә бушлай хат юллый алачак.

Кызыклы яңалыкларны күзәтеп бару өчен Телеграм-каналга кушылыгыз.