Таҗикстан Президенты Казанга БРИКС саммитына килде

Таҗикстан Президенты Эмомали Рахмон Казанга БРИКС саммитында катнашу өчен килде.

Президентны икмәк-тоз белән каршы алдылар, шулай ук татар милли ризыгы — чәк-чәк белән сыйладылар.

Дәүләт башлыклары катнашында БРИКС илләре саммиты Казанда 22-24 октябрьдә уза. БРИКС-2006 елда Россия, Кытай, Һиндстан һәм Бразилия тарафыннан төзелгән дәүләтара берләшмә, 2011 елда аңа көньяк АФРИКА республикасы кергән. Россия 1 гыйнвардан оешма рәисе урынын били. Ел башыннан БРИКСка Мисыр, Эфиопия, Иран, Берләшкән гарәп әмирлекләре һәм Согуд Гарәбстаны кушылды. Россиянең БРИКСтагы рәислеге гадел глобаль үсеш һәм куркынычсызлык өчен күп яклылыкны ныгыту девизы астында уза.