#Кыскача яңалыклар 05 март 2017, 14:19

Татарстан Кызыл китабының өченче басмасы басылган

05 март 2017, 14:19

Татарстан Республикасы Кызыл китабының өченче басмасы басылып чыккан. Бу хакта Татарстан экология һәм табигый байлыклар министрлыгы матбугат хезмәте хәбәр итә.

Скопировать ссылку

Яңа басмага 612 сирәк төр хайван (224 төр), үсемлекләр (340 төр) һәм гөмбәләр (48 төр) кергән. Шул исәптән 64 төре Россия Федерациясе Кызыл китабына, 6 төре Халыкара Кызыл китапка кертелгән. (Икенче басмада 674 сирәк төр (258 хайваннар, 376 үсемлекләр, 40 гөмбә) кергән).

Кызыл китап хайваннар һәм үсемлекләр дөньясы мәгълүматларын туплаучы, тиешле саклау һәм торгызу чараларын күрсәтүче рәсми документ санала. Кызыл китапка кертелгән хайваннар һәм үсемлекләр дөньясы объектларын аерым саклау тиешле.

Кызыклы яңалыкларны күзәтеп бару өчен безнең МАХ каналына кушылыгыз.