#Кыскача яңалыклар 03 февраль 2016, 10:12

Казанны хатын-кызлар күбрәк ярата?!

03 февраль 2016, 10:12

Республикада "Татарстан - туристлар өчен иң яхшысы" программасы кысаларында "Турист портреты" дигән проект эшләнгән, дип хәбәр иттеләр Туристлык буенча дәүләт комитеты коллегиясенең 2015 елдагы эшенә нәтиҗәләр ясау һәм 2016 елга бурычлар билгеләүгә багышланган утырышында.

Скопировать ссылку

Анда 8 215 респондент катнашкан. Сораштырулардан күренгәнчә, аларның 72 проценты - Татарстанга беренче тапкыр килүчеләр. Туристларның күбесе гаиләләре яки дуслары белән бергә килгән. Аларның иң яратып кулланган транспорт төре - поезд. Кунаклар, гадәттә, бездә 2-3 көн тора. Туристларның 40 проценты Казан турында телевизордан ишетүләрен әйткән. Сораштырудан күренгәнчә, безгә җәй көне күбесенчә яшьләр, көз көне урта яшьләрдәгеләр, Яңа ел каникулларында 46-60 яшендәге туристлар килгән. Алар арасында күпчелекне хатын-кызлар тәшкил итә.

^{Гөлнара Зиннәтуллина коллажы}

Кызыклы яңалыкларны күзәтеп бару өчен безнең МАХ каналына кушылыгыз.