Татарстанда 13 градуска кадәр җылыта

Татарстан Гидрометеорология һәм әйләнә-тирә мохитне күзәтү идарәсе фаразлары буенча, Татарстанда, бүген, 11 апрельдә алмашынучан болытлы һава саклана. Көньяк-көнбатыштан уртача тизлектәге җил исә, төнлә явым-төшемнәр көтелми, көндез төньяк районнарда яңгыр булуы ихтимал.

Татарстанда төнлә -0..+2, көнчыгыш районнарда -5 градуска кадәр булыр дип көтелә. Көндез һаваның максималь температурасы +8..+13 градус булачак.

Казанда төнлә һәм көндез алмашынучан болытлы һава, көндез урыны белән яңгыр, көньяк-көнбатыштан уртача җил исүе көтелә. Минималь һава температурасы төнлә - 0..+2, көндез +10..+12 градуска җитәргә мөмкин, дип фаразлый синоптиклар.