Татарстанда "дуңгыз гриппы" белән авыруның 63 очрагы теркәлгән

Ел башыннан Татарстанда "дуңгыз гриппы" белән авыруның 63 очрагы теркәлгән. Бу хакта Россия кулланучылар хокукын яклау һәм кеше иминлеге өлкәсендә күзәтчелек федераль хезмәтенең республика идарәсе хәбәр итә.


Авыручылар арасында 26 бала да бар. Чир йоктыручыларның берсе дә гриппка каршы прививка ясатмаган. 2 февраль көненә республикада - Казан һәм Яшел Үзәндә 2 мәктәп карантинга ябылган. Моннан тыш Казанның биш мәктәбендәге тугыз сыйныфта укулар туктатылган, Арчаның балалар бакчасындагы ике төркемдә карантин игълан ителгән.

Гомумән алганда, республикада эпидемиология чиге - 11,4, ә Казанда 17,4 %ка узылган.

^intertat.ru