Татарстанда еланнар уянган

Моның белән бәйле рәвештә, урманнарда булырга яратучылардан уяулык сорала. Исегездә тотыгыз, гадәттә, еланнар үзләре беренче булып һөҗүм итми. Биек үләндә йөргәндә, сак хәрәкәт итегез. Җиргә басар алдыннан таяк белән тикшерегез. Нык һәм биек кунычлы аяк киеме киегез. Әгәр сезне елан тешләсә, мөмкин кадәр тизрәк медицина ярдәме сорап мөрәҗәгать итәргә кирәк.

Безнең җирлектә тузбаш, бакыр һәм кара еланнар яши. Соңгы икесе Кызыл китапка кертелгән.