#Кыскача яңалыклар 04 февраль 2022, 11:16

Татарстанда коронавирус белән авыручыларның саны буенча яңа антирекорд куелды

04 февраль 2022, 11:16

Узган тәүлектә республикада яңа коронавирус инфекциясен йоктыруның 996 очрагы теркәлгән, дип белдерде журналистларга Роспотребнадзорның Татарстан буенча идарәсе җитәкчесе урынбасары Любовь Авдонина.

Скопировать ссылку

Республикада пандемия игьлан ителгәннән бирле 52 398 кешедә ковид чире ачыкланган. Шул ук вакытта 2022 ел башыннан Татарстанда COVID-19 белән чирләп китүнең 6 163 яңа очрагы теркәлгән.

2021 елның декабрь ае белән чагыштырганда, гыйнвар аенда авыручылар саны 32,6% ка арткан. Хәзерге вакытта вирус таралу коэффициенты 100 мең кешегә 1,7 тәшкил итә. "Авыручылар саны арта барачак. Узган атнада үсеш темпы 2,8 тапкыр тәшкил итте», - диде Любовь Авдонина.

Кызыклы яңалыкларны күзәтеп бару өчен безнең МАХ каналына кушылыгыз.

#Ковид, пандемия, коронавирус