Татарстанда кредит "упкыны"на батучыларны коллекторлардан яклау үзәге ачыла

4 февральдә Татарстанда Иҗтимагый палата базасында коллекторларның канунсыз гамәлләреннән саклау үзәге ачыла.

Үзәк белгечләре, прокуратура хезмәткәрләре белән берлектә, кредит бирүчеләрнең гадел булмаган гамәлләреннән зыян күрүчеләргә хокукый ярдәм күрсәтә һәм киңәш бирәчәк.

Әлеге үзәкне ачуның максаты илдәге икътисадый вәзгыять белән бәйле рәвештә кереме кимүчеләрне кредит "упкыны"ннан йолып калу.

- Сүз дә юк, бурычын түләмәүче канун һәм кредит бирүченең хокукларын боза. Әмма бурыч булу гына кешегә үз хокукларын һәм мәнфәгатьләрен сакларга комачаулык тудырмаска, ул үзен гадел эш йөртмәүче коллекторлардан саклый алырга тиеш, - дип аңлата Иҗтимагый палата вәкилләре.