#Кыскача яңалыклар 16 ноябрь 2023, 13:22

Татарстанда М-12 трассасы буенча йөрү күпмегә төшәчәк? Кыйммәт түгелме бу?

16 ноябрь 2023, 13:22

Татарстан М-12 участогы буенча йөрү күпме торачак? Бу сорауга, ниһаять, «Автодор» оешмасы җавап бирде. Участок ачылу көнендә Дәүләт корпорациясе тарифларны бастырып чыгарды.

Скопировать ссылку

Сүз трассаның 7нче этабы турында бара, ул Чуашстанны тоташтыра һәм Казанга кадәр илтә. Юл йөрү бәясе участок һәм транспорт төренә бәйле булачак. Мәсәлән, Олы Кайбычтан Иннополиска кадәр бару җиңел автомобиль өчен 224 сумга, Чуашстанның Шумерля шәһәреннән Иннополиска кадәрге бару 784 сумга төшәчәк. Бу түләүле трассаларда түләү пунктын тиз арада узарга мөмкинлек бирүче транспондер җайланмасы булган шоферлар өчен бирелгән бәяләр. Гадәттә, мондый гаджетларның хуҗаларына ташламалар бирелә. Шумерля — Иннополис участогы буенча транспондерсыз йөрү җиңел машиналар өчен 784 сумга, йөк машиналары өчен 1848 сумга төшәчәк.

Мәскәүдән Казанга кадәр бөтен трасса буенча бару өчен якынча 6 мең сум түләргә туры киләчәк. Тагын бер яңалык, декабрьдә Татарстанда тагын бер участок ачылачак.

- Белүемчә, Мәскәүдән Арзамаска кадәрге юл 2800сум тора. Бу Казанга кадәрге этапның уртасы булып тора, - ди "Автодор " дәүләт компаниясенең 7нче этабы проекты җитәкчесе Дмитрий Костин.

15 ноябрь көнне РФ премьер-министры Михаил Мишустин М-12трассасында 150 чакрымнан артык озынлыктагы участокны ачты. Бу Чуашстаннан алып Татарстанга кадәр киселештә. Барлыгы узган ел башыннан бирле 415 чакрым файдалануга тапшырылган. Ә бөтен трассаны бу елның декабрендә эшләтеп җибәрергә ниятлиләр.

Кызыклы яңалыкларны күзәтеп бару өчен безнең МАХ каналына кушылыгыз.