Татарстанлылар ипотека түләү өчен 100 мең сум акча эшләргә тиеш

Быелның гыйнварында Татарстан халкы ипотека түли алырлык тәкъдим ителгән гаилә кереме күләме аена 98,1 мең сум тәшкил иткән. Бер ел эчендә үсеш - 14,5 процент. Тикшеренү милли кредит тарихлары бюросында (NBCI) үткәрелгән.

Мондый күрсәткечләр белән Татарстан тәкъдим ителгән гаилә кереме буенча башка шәһәрләр исемлегендә 12 нче урында тора. Рейтингның беренче юлын Мәскәү биләп тора, анда гаиләләр аена уртача 185,3 мең сум акча эшләргә тиеш, аннан соң Мәскәү өлкәсе (140,5 мең сум) килә. Лидерлар өчлеген Санкт-Петербург аена 126,8 мең сум күрсәткечләр белән яба.