Тинчурин театры “Беренче мәхәббәт” комедиясе премьерасына чакыра

Беренче мәхәббәт − ул һәркемгә дә таныш, сихри, серле хис. Үз гомерендә һәрбер кеше шушы татлы-газаплы тәүге сөю утларында яна. Спектакль каһарманнары да әлеге ләззәтле сөюдән читтә калмый. Бер-берсен өзелеп сөйгән егет белән кыз кавышырга ниятли. Шул уңайдан әти-әниләрен очраштырырга уйлыйлар. Ләкин шулчак көтелмәгән хәл килеп чыга: кызның әнисе егетнең әтисенең беренче мәхәббәте икәне ачыклана. Нәтиҗәдә вакыйгалар куера, кискен борылыш ала. Бу хәлләргә кисәк пәйда булган серле зат − мәхәббәт илчесе генә тыныч карый. Чөнки ул язмыштан узмыш юклыгын, һәркемгә дә мәхәббәт күкләрдә язылганын яхшы белә.

Спектакльне театрның баш режиссеры Рәшит Заһидуллин сәхнәләштерә.