Тинчурин театрында "Эх, алмагачлары!"

Кәрим Тинчурин исемендәге Татар дәүләт драма һәм комедия театры Шамил Фәрхетдинов әсәре буенча язылган "Эх, алмагачлары!" спектакленең премьерасын тәкъдим итә. Комедия жанрындагы бу спектакль уен-көлке, уңай хисләр белән сугарылган. "Эх, алмагачлары!" спектаклен сәхнәгә режиссер Россиянең атказанган артисты, Татарстанның атказанган сәнгать эшлеклесе Рәшит Заһидуллин куйган. Биредә театрның 2 дистәгә якын күренекле артистлары катнашачак. Тамаша 5,6,27 май көннәрендә кичке сәгать җиденче яртыда башлана.