#Кыскача яңалыклар 18 июль 2023, 16:35

Укытучылар армиягә бармаячак

18 июль 2023, 16:35

Педагог ир-атларны хәрби хезмәткә чакырылудан кичектереп торырга киңәш итәләр. Татарстанда бала хокуклары буенча вәкаләтле вәкил Ирина Волынец шундый инициатива белән чыккан.

Скопировать ссылку

Хезмәткә бармас өчен бердәнбер шарт – уку йортын тәмамлаганнан соң мәктәпкә эшкә урнашу. Шулай ук Волынец икенче вариант та тәкъдим итә: мәктәптәге эшне альтернатив хезмәткә тиңләргә. RT язганча, әлеге мөрәҗәгать Дәүләт Думасының мәгариф комитеты башлыгы Ольга Казаковага җибәрелгән инде.

Волынецның үз дәлилләре дә бар: бары тик ир-ат укытучылар гына барлык үсмерләр, бигрәк тә малайлар мохтаҗ булган ир-ат тотышы моделен күрсәтә ала. Нәкъ менә шуңа күрә мәктәптә мондый хезмәт кадрлары бик кирәк. Ир-ат укытучыларны мәгариф учреждениеләренә җәлеп итү өчен, ул чаралар комплексын кертергә тәкъдим итә, шуларның берсе – хәрби хезмәткә чакырылудан кичектереп тору. Әгәр инициативаны хупласалар, бу төзәтмәләрне "Хәрби бурыч һәм хәрби хезмәт турында"гы федераль законга кертәчәкләр.

Кызыклы яңалыкларны күзәтеп бару өчен безнең МАХ каналына кушылыгыз.