Универсиада авылы Спортчылар авылына әйләнгән

Казанда 2015 елгы спортның су төрләре буенча XVI Дөнья чемпионаты вакытында Универсиада авылы Спортчылар авылы исемен алачак. Бу хакта Татарстан Яшьләр эшләре һәм спорт министры Владимир Леонов белдерде. Дөнья чемпионатына килүчеләрнең дә бер өлешен нәкъ менә Спортчылар авылы үзенә сыендырачак. Ярышлар вакытында 2500 волонтер эшләячәк. Кандидатлардан гариза кабул итү ел азагында төгәлләнде - барлыгы 24 мең кеше волонтер булырга теләк белдергән дип хәбәр итә intertat.ru сайты.