Утыңны сүндерергә онытма

28 март көнне Татарстан халкы «Җир сәгате» халыкара акциясендә катнаша алачак. Моның өчен кичке 20.30 сәгатьтә төгәл 60 минутка утларны сүндереп торырга кирәк була.

Бу көнне Җир шарында яшәүче миллиардлаган кеше, планетаның киләчәге өчен битараф түгеллеген раслап, өйләрендә утны сүндереп тора. Чараның максаты - кешенең игътибарын әйләнә-тирә мохитне саклауга юнәлтү, «сәламәт» планета өчен тавыш бирү.

Узган елны, чараның рәсми сайты хәбәр иткәнчә, «Җир сәгате»ндә дөньяның 160 иленнән ике миллиард тирәсе кеше катнашкан.

^{Фото: liveinternet.ru}