ВИЧ йоктыручылар кимегән

Хәзерге вакытта бу күрсәткеч тарихи минимум дәрәҗәсендә тора. Бу хакта РФ Сәламәтлек саклау министры Михаил Мурашко ВИЧ/СПИДны кисәтү һәм дәвалау буенча белгечләр өчен X Бөтенроссия форумында хәбәр итте.

Ул билгеләп үткәнчә, Россия ВИЧ-инфекциянең яңа очраклары саны кимү тенденциясе һәм ВИЧка тестлар  ясау буенча дөньяда алдынгы урынны саклый. 

-    2023 елда ВИЧка тестны илнең барлык халкының 35 проценты узган. Шул ук вакытта ачыкланган яңа очраклар саны 55 меңгә якын тәшкил итә, бу бер ел элек булган күрсәткечтән 1,5 процентка кимрәк, - дип ассызыклый министр. 

Моннан тыш, Михаил Мурашко сүзләренчә, антиретровирус терапиясе белән кочачлау киңәя бара: 2023 ел ахырына, ВИЧ йоктырган затларның федераль регистры мәгълүматлары буенча, ул 90 процент диярлек тәшкил иткән. Бу дәүләт стратегиясенең максатчан күрсәткеченнән алты проценттан артык пунктка югарырак.