Владимир Путин йомыркага бәя арту сәбәбен аңлаткан

Россия Президенты Владимир Путин йомыркаларга бәяләрнең артуын аларга ихтыяҗның артуы һәм халыкның керемнәренең артуы белән аңлатты.

"Җитештерү күләме кимемәде-куллану артты. Халыкның керемнәре артты, күбрәк йомырка, тавык ите сатып ала башладылар", — диде ул журналистлар белән булган әңгәмәдә.

Шул ук вакытта, Путин сүзләренчә, хөкүмәт чит илдән әлеге продуктны кертү турында үз вакытында уйламаган, нәтиҗәдә бәяләр күтәрелгән.

Элегрәк хәбәр ителгәнчә, 2024 елның 1-9 гыйнварында Беларусь Республикасыннан Россиягә тавык йомыркаларын кертү ике тапкыр диярлек арткан.