#Кыскача яңалыклар 22 апрель 2015, 13:19

Яшел Үзәнгә паром белән

22 апрель 2015, 13:19

Бозлар эреде, елгаларда су арта. Куйбышев сусаклагычында да узган атнада су 1,5 метрга күтәрелгән. Белгечләр, бу паром кичүен ачу өчен мөмкинлек бирә дип саный.

Скопировать ссылку

Яшел Үзән - Карамалы Тау (Нижние Вязовые) арасында да Идел аша паром эшли башлады. Ул автомобиль йөртүчеләр өчен шактый уңайлы. Әйтик, Яшел Үзән районының Норлат авылыннан Яшел Үзән шәһәренә бару өчен Казанга кадәр үк барып җитәргә туры килә, ә паром кичүе ачылгач, юл 50 чакрымга диярлек кыскара. Дөрес, вакыт ягыннан шоферлар әллә ни отмый кебек. Чөнки, аеруча ял көннәрендә, бәйрәм араларында паромга зур чират.

Кичү 6:00-23:00 сәгатьләрдә эшләр, дип планлаштырыла. Паром кичү өчен түләү әле төгәл генә билгеләнмәгән, узган елдагыдан артмас, ди җитәкчеләр. Былтыр ул 100-120 сум булган.

Кызыклы яңалыкларны күзәтеп бару өчен безнең МАХ каналына кушылыгыз.