Йөкле хатын-кызларга пособие күләмен арттыралар

«Гадел Россия» фракциясе депутатлар төркеме, хөкүмәткә, йөкле хатын-кызлар өчен пособиене ике яшәү минимумына кадәр арттыру турындагы закон проектын кертте. Әмма ул акчаларны баланы ана кеше ялгызы тәрбияләгән очракта гына бирәчәкләр. 
Әгәр дә гаилә тулы икән, ул вакытта пособие яшәү минимумы кадәр булачак. 
Моннан тыш, депутатлар пособиегә мохтаҗлык критерийларын киңәйтергә тәкъдим иттеләр. Хәзер түләү әгәр бер кешегә айлык керем яшәү минимумыннан артмаса, беренче 12 атнада йөклелек буенча исәпкә баскан хатын-кызлар өчен генә күздә тотыла.