Җырчы Рената Тейның иренең хәле авыр дип бәяләнә

“Хәзергә иремнең хәле авыр дип бәяләнә. Без тернәкләнү курслары узабыз, яхшыга өметләнәбез”, - ди җырчы. Моңа кадәр әле ул тормыш иптәшенең савыгуы, алга китеш булуы хакында язган иде. 

Билгеле булганча, Рената Тейның ире Сәгыйрь узган ел автомобиль һәлакәтенә очраган иде. Җырчы бу хакта улына хәбәр иткән, әмма әтисенең кулы һәм аягы гына сынган дип әйтергә мәҗбүр булган. Хәзер исә уллары да мәсьәләнең нинди катлаулы икәненә төшенде инде, ди җырчы.