"Йөрәк-кан тамырлары авыруларын кисәтү" акциясенә катнаш

7 нче апрельдә Казанның 7нче хастаханәсендә йөрәк-кан тамырлары авыруларын кисәтү акциясе уздырылачак. Ул Бөтендөнья сәламәтлек көне һәм Йөрәк-кан тамырлары авыруларына каршы көрәш елы кысаларында оештырылган. Акцияне Казан дәүләт медицина университетының неврология һәм тернәкләндерү кафедрасы хезмәткәрләре үткәрә.
Биредә теләгән кеше кан басымын, канындагы холестерин һәм шикәр күләмен үлчәтә, физик активлыгы дәрәҗәсен ачыклый ала. Шулай ук йөрәк-кан тамырлары авырулары куркынычы факторлары, аны кисәтүдә физик активлыкның роле, дөрес туклану буенча лекцияләр дә үткәреләчәк.